Usa ka v-hire ang nadisgrasya diha sa may Cebu-Cordova Link Expressway, Barangay Pilipog, Lungsod sa Cordova pasado alas 2 sa hapon kagahapon nga niresulta sa pagkamatay sa matud pa duha ka pasahero niini ug nangaangol ang ubang sakay niini.

Miluwat og laing cease and desist order si Gobernador Gwendolyn Garcia batok sa operasyon sa Philippine Mining Service Corporation’s , human nga ang Court of Appeals sa desisyon niini nagkanayon nga balido ang niaging executive order nga iyang giluwatan pagpahunong sa operasyon sa maong kompaniya tungod sa kalapasan sa environmental laws.

Giaprubahan sa Cebu Provincial Reclamation Authority ang unom ka mga dagkong reclamation projects sa nagkadaiyang lungsod ug siyudad sa Probinsya sa Sugbo.

Niabot na sa P570.7 milyones nga balor sa ilegal nga drugas ang nasakmit sa Philippine Drug Enforcement Agency-7 sa ilang mga operasyon gikan sa Enero 1 hangtod sa Abril

Adunay private surveyor nga gikuha ang kagamhanan sa siyudad sa Sugbo aron mas mapadali ang pagrekober sa 3-meter easement sa Estero de Parian.